يا فكرتي من حرمة عمرها طال=مروا عليها خلق لكن نستهم
من يوم خلقت ما تواطت لرجال=وشلون عاد عيالها أنجبتهم
عيالها مابين قادم ورحال=لكنها مشغولة ما عرفتهم
تنجب بنات ومثلهم تنجب عيال=ومن حبها بعيالها أكلتهم
تأكل بلا أسنان وتمشي بلا نعال=والخلق تدعس خدها ما ذكرتهم

قريت لغز معرب الجد والخال= ذخر الشيوخ اللي زهت معرفتهم
لبسوا لها تاج الوفا تاج الابطال= حتى تعلت فالوجود امكنتهم
لغزك هي الدنيا على كل الاحوال= تضحك لعشاق الهوى وخدعتهم
كم جندلت من شخص والفي مامال= صقور مير بفعلها برقعتهم
وهي حقيره ماتقارن بمثقال= تنجب عيال وسرع ماهي كلتهم
ياكم وكم راحوا على مر الاجيال= شوس الرجال بفعلها جندلتهم
تظهر بوجه ووجه تخفيه فالشال= وان لزمت العشاق حيل قفصتهم