سميت بسم الله رب البرايا=الواحد العالي جزيل العطايا
عساه يغفر لي جميع الخطايا=ويقابل ذنوبي بعفو وغفران
اللي خلق آدم من الماء والطين=وجاب من نسله ألوف الملايين
منهم فقير ومنهم اللي سلاطين=ومنهم عجم سود وبيض وعربان
سبحان جاعلهم شعوب وقبايل=وخص العرب منهم بطيب الفضايل
فاقت مضر منهم قريش الأصايل=وقريش سادت بالنبي سيد الاكوان
ومن مضر ربعي هذيل الأصيله=أهل العلوم الطيبه والجميله
أهل الكرم والجود نعم القبيله=تاريخهم معروف من قدم الازمان
مع النبي يردون في جد واحد=في مدركه ابن الياس والله شاهد
ابن مضر نسل الجدود الاماجد=ابن نزار ابن معد ابن عدنان
أهل الفصاحه من قديم الزماني=وأهل الشعر قدام قاصي وداني
أشعارهم فيها جزيل المعاني=والهم من أشعار القديمين ديوان
ديوان شعر وجا منظم بترتيب=يجمع قصايد مثل در بلا ريب
كان الإمام الشافعي يحفظه غيب=يحوي من ألوان الشعر كل الالوان
من روس خندف مزبن لكل مضهود=يوم القبايل بين شاهد ومشهود
ما بينهم ثار ونار وبارود=حمدت من انعم بتأمين الاوطان
هذا نسبنا في التواريخ منقوش=مثل الذهب بالعون ما هو بمغشوش
صافي نقي زاكي وبالطيب مرشوش=جيل بعد جيل مثبت ببرهان
هذا نسب ربيعي وهذا حسبها=وكل القبايل عارفين بنسبها
أنعم وأكرم بالعرب من يعبها=ان كان عدناني ولن كان قحطان
ابلادهم مكه وما جاورتها=من الجبال النايفه واوديتها
تاخذ من جبال الشفا ما حوتها=ما سال منها من سهول وشعبان
وما حول مكه من حرمها المحرم=مثل السوار الذي حول معصم
وقريش والأشراف معنا لهم قسم=حنا وهم دايم عواني وجيران
اديارانا هذي هي الأوليه=في مدة الاسلام والجاهلية
ما حول مكه من ديار اهذليه=اطرافها راحت شوارع وعمران
يحدنا من شام حرب وعتيبه=من شرقنا تاتي ثقيف النسيبه
والجحدلي منا دياره قريبه=من اليمن حده وفي الحد فهمان
واهذيل حسب اديارها اليوم قسمين=اهذيل اليمن اجنوب مكه مقيمين
والا هذيل الشام اللي شمالين=لكن في الصايح ترا الاسم هذلان
اما هذيل الشام هم (بني)وفليت=(بني ) بني مسعود إن كان عديت
ثم العميري والمحياني اثنيت=(نباته) ومنهم نباته في رهجان
وفليت يتبعها فروع كثيره=منهم بني لحيان اللي شهيره
والمطرفي منهم وربعه وفيره=منهم هذيل الطير في نجد سكان
اما السعيدي والعقيلي العريبين=معطاني ثم سويهري والضمايين
ثم الشفيعي من فليت النسيبين=لكن يجمعهم ليا قيل صلمان
حتارشه ربعي وعزي وقومي=منهم كما قالوا هذيل البقومي
ومنهم آل حمود أهل القصيمي=هذي هذيل الشام من غير نقصان
أما هذيل أهل اليمن هم قسمين=المسوده وازهير واهم الكثيرين
وزهير منهم دعد والندويين=حساني والسراونه اهل نعمان
والمسوده قسمين منهم جميلي=ثم آل صالح الطلوح ابد ليلي
ومن آل صالح خالدي والبقيلي=طلحي ومناعي وهم أهل شفيان
أما جميل تعود أفروع وابدود=الجابري والقارحي وآل محمود
والكعبي والياسي عريبين الجدود=ثم السوالم وآل زيد الهم اخوان
ثم العبيدي ثم عد الشعابين=وصاهله اللي عددهم قليلين
واذكر زليفه أهل الشفا الأصيلين=ثم الرياشي ربعنا دون نكران
أما اهل كبكب فهم في اللوازم=فضلي ومناعي ليا جا أمر حازم
أجليجلي والمشعلي والحوازم=ثم آل جابر وال حسن ثم سبعان
هذي قصيده جات مني هديه=هدية ما من وراها جزيه
تجمع نسب ربعي هذيل السميه=والعفو من تقصير مني ونقصان
قصيدة لاشك مثل الوثيقه=لكل منهو من هذيل العريقه
يعرف نسب ربعه ويدري الحقيقه=تمت بحمد الله جواهر ومرجان
واختامها صلوا بلا عد واحساب=من بعد طاب الختم والابتدا طاب
على النبي والآل جمعا والأصحاب=محمد المبعوث للإنس والجان