يقولون العرب عابد زعيم الشعر والشعار=وأنا اقول الثبيتي من قديم الوقت راعيها
هلا يا مرحبا والعرف ما ينباع للتجار=لكني مفتكر من وين عابد جا مضويها

ترى هذا السنه نسمع رعود وبارق وامطار= لكنه فوق دار (ن) مسنيه ماسال واديها
يدوم الك البقا في جابة تلفت لها الانظار= لكن انته تعرف علوم عابد ماانت غاويها

يشح القطر دامن العرب ما تكثر الأذكار=وهذي سنة الله بأول الدنيا وتاليها
أنا ماقول فيه خلاف عضد الجنب راعي دار=لكنه صعب في بعض الدير يرعى مفاليها

مشينا فالطريق المعتدل وشبك تلف يسار= واباك تجيبها ياصا حبي وانته موديها
لحقناها بعد راحت بعيد وطول المشوار= وتقعد سالفه لرجال تنقلها وترويها

مشيتوا بالطريق اللي عليه يحوم الاعصار=وهذي سالفة من جا يكحلها ويعميها
سترت علومها بعدنها صارت عليكم عار=وأنا اللي من قديم الوقت قاضب في علابيها

لكن اترك هل الجنه وعود مع طريق النار= على ماقيل ماغر الرجال الا هقاويها
الا يااهل البيوت اللي قواعدهها ثلاث امتار= عساك تهدها والا بعلم العز تبنيها

أنا ما غرني دربي ولاني من يضيم الجار=ياراعي عين عورا ما تعاين في مواطيها
ترى سد اليمن ما دمره يا ذيب غير الفار=لو إنك تعرف العلة ترى منته مداويها

انا مدري متى تثمر ويطلع فالغصون اثمار=ولايزعل من المجنونه الا من يباريها
ذلول ثبيت تنحرها وتزهم فوقها الجزار= وانا ماني مسميها لكن تعرف اساميها