قالو كتبت اشعر من طيـب البـال=والاكتبت الشعرمـن علـم ثانـي
والا تمثل مثل مـن قـال الامثـال=وقام يتهيـض فالخفـى والبيانـي
يجمع فنون الشعر ويقـول ماقـال=ويكتب ويرسـل ويتخيـل معانـي
يرسم خياله فوق صـوره وتمثـال=وكـب الحقايـق كلهـا لزمـانـي
حقايق (ن)مافوقها ستـر وضـلال=تدريبها الاقصيـن قبـل المدانـي
وضع العرب مكشوف ياساترالحال=مكشوف لصحاب العقول الرزانـي
الي تميـز بيـن طيـب وبطـال=وتـدري بواقعـنـا وممانعـانـي
حنا طمعنا كـل طامـع ومحتـال=والعشر ضاعـت كلهـا وثمانـي
تلعبنـا العـدوان بيميـن وشمـال=كلاً يقول انتـه معـي يـا فلانـي
تخطيطهم واضح خبيثيين الاعمـال=واضح سوات الشمس للمودمانـي
تدخلـو فالديـن والحـال والمـال=وتدخلـو حتـى مابيـن العوانـي
يصورون الديـن رهبـه للجيـال=والا السعـاده كلـهـا فالغـانـي
ومناهج التوحيـد والفقـه تنشـال=وحديث يصـدر ضدهـم مايبانـي
ويزعجهم القران من طيـب الفـال=ولاودهم يوحون صـوت الاذانـي
وكلمة جهاد اكبر مصيبه للانـذال=أتهزهـم لوكـان كلمـة السانـي
والحال لاتنشد عن الحـال بسـوال=راح العراق وراح هـاك الكيانـي
الرض العروبه والحضاره والابطال=راحت معاد اتفيـد كثـر الامانـي
في مامضى بغداد للعـرب مدهال=واليوم ماله فـا الجزيـره مكانـي
والقدس دونه باب وجـدار وقفـال=أقفـال فالبيبـان وجـدار بـانـي
ومجوده صهيون بجيوش ورجـال=وحنا نصـدر كـل لليلـه بيانـي
نبحث لدرب اسلم في بحرالهـوال=وضعناوضاع القدس وسط المثانـي
والمال جابوله سياسه علـى العـال=اسياستـاً منهـا ماتنـدى اسوانـي
فبنوكهم مرصـود ماعـاد ينـزال=بموانـا وصلـو سهيـل اليمانـي
وبموانا قامـت محطـات ورسـال=وحنا على ظهر الجمل والحصانـي
مافيه يوم انفكـر ابصنـع فنجـال=ومن عندهم نشري جميع الاوانـي
منهو يجاوب يهل العرف فالسـوال=كيف العرب ترضى بهذا الهوانـي