يابحر ما ينقصك نسف المغاريف=واللي تبخر منك بكره يعودي
يابحر ما تجزعك كثر المجاديف=ولا يطربك بابحر حلو النشيدي
وياطير ما تتعبك روس المشاريف=ولا يتعبك رقي الشوامخ سنودي
أهل العرف ما يضيعون المعاريف=والنار ما تقدح بليا زنودي
ويا زين ما تبلغك كل التواصيف=ويافكر مالك فالتمادي حدودي
الشعر ما يصلح بليا محاريف=والنار ما ترجع سلام وبرودي
راع العقل ما يعجبونه مخافيف=اللي يحبون السفل والنقودي
ولا يصلح الفارس عزل مامعه سيف=والجيش ماهو جيش بليا جنودي
ولا يبلغ العليا كثير التحاسيف=والا المقيد بالرسن والحديدي
ما أحد(ن)خبر ردي يبا يكرم الضيف=والا عريب جدود وأصله عبيدي
هذا بعض ماهو خطر من سواليف=أخر جديدي كان تبغا جديدي

شكرا لتواصلكم وردودكم الطيبة لا عدمتكم جميعا