تسليمة الحر القطامي لاعترض فرخ الحمام= ينشب مخاليبه محبه عادته ماكبها
وانا ليا مني لقيت الشاعر اعطيه الكلام= الشاعر اللي نيرته بين الخلايق شبها

يامرحبا ياشاعر الفهمان واخذها شمام =الناس في هذا الشهر ترجي فضايل ربها
انته ماتاكل من الفطحه ولانشت السنام= واقل لاتضحك على العالم ولاتنصبها

دام البقا والحل اباه ولاتنوشت الحرام= وانت تصك الباب والقهوه وراه تصبها
الرجل وش يسوى ليا ماحط في وسطه حزام= والبندق ام حدش فاليمنى يبا يثلبها

الحر ماينساق مار الحر في راسه خطام= ودلو(ن) ماتمجدك لاتارد ولاتشربها
انته اظنك ماورت العد واسقيت الجهام= ياراعي ام حدش تركها وروح وخبها

الحر يعجب راكبه لاقيل ياالقرم الهمام= والدلو تمجدني ومن يقضب رشاها حبها
من خلقت الدنيا ليا ذلحين مروين الحيام= وقلوب عمس الطب فيها عند خيك طبها

الله محرمك السكب والله قطعك من البشام= وان كان معك فلوس دور باخره واركب بها
ياشيبة الرحمن ماحاربت واذت الوسام= والعافيه ماهي بشربة كاس لاتلعب بها

الرز اكلنا بكته لكن شفي فاليدام= وانا عويد وباخرة جده نبا ننشبها
عودك محارب ياطويل العمر فالصف الامام=وانته على ديرتك وتقول الغنيمه ضبها