صدمتي بالناس نستني الشعر=
ضاع فكري في تعابير القلوب=
أتفـيـــأ حسن ظـني والقـهــر=
يشتعـل بين المحـبة والخطـوب=
الوجــوه ابدت تعــاليل الغـــدر=
والنفوس أخفت مخابير العيوب=
غيــرت طيب النــوايــا بالبشــر=
شكلهم صادق ودعواهم كذوب=
البياض أسود من صنوف الكدر=
والسواد يسود في كل الدروب=
ظلمة العــالم وضيمات القــدر=
تجتمع ياخيبة القلب الرحــوب=
كن حلــمي في متاهـــات العمـر=
شمس غابت في سنا شمس الغروب=
أو كما طير(ن) على غصن الشجر=
مات في كفي وأنا طفل(ن)لعوب=
غــابت البسمة وعـداها الصــبــر=
وجهت شرقي وأنا صوب الجنوب=
كــانت آمــــالي وكـنا والخــبـر=
ياردى حظي بتصريف الشعوب=
شعبة حطت على صاف البحر=
وشعبة مالت بتبرير العطـوب=
مابقى خافي ولا باقي خطــر=
صوبت عزمي نديمات الضروب=
مير أنا سلمي على عز وفخر=
اشرب الحامي بغصات الكروب=
عشـت بالدنـيـا تعـديت النظـر=
فـي معـاناتي تحـديت الهـروب=