يازمان التقنية والعولمةوالانحراف=حسبنا الله كيف دمرت الشعوب المسلمة
تخدع ارباب العقول وتخطف الفكر اختطاف=تدخل الجسم النقي وتسم دمه ولحمه
لين صار العقل مثل السيل سهل الانجراف=كل ما يرمى بدربه يحتويه ويلهمه
لايذل ولا يكل ولا يشوم ولا يعاف=بانحدارة فانحدارة لين ربي يرحمه
الشباب اللي نبيهم ربح لا حان القطاف=درع وحزام وهداية فالسنين المظلمة
ارهقه غزو اليهود بعشق زينات الوصاف=لين من غزو اليهودي فك عينيه وفمه
والفتاة اللي من اول كاملة حسن وعفاف=غرروها بالمحنية وجات مدرعة
واستهانت بالحجاب اللي لها حصن ولحاف=واظهرت حسن الطبيعة للعيون المعتمة
واتقنت فن التغنج والتبرج باحتراف=لين طاحت بين قوس محارب الله وسهمه
واصبح الجيل متحرر في نهايات المطاف=ضاع دينه والسلوم اللي من اول تحكمه
كيف نبغا ننصر الاسلام بعزوم الضعاف=والمنازل من سلاح المفسدين ملغمة
كيف نبني مجد لامجاد العرب بكرة يضاف=والسلاسل فالايادي والفواه مكممة
ياليدين اللي ثعيتي فالبلد ظلم وسراف=خافي الله فالامانة والعهود المبرمة
وانت يالشعب الخليجي كان من ربي تخاف=اقف بعزوم(ن)قوية دون دينك واحتمه
لا تضيعك الحياة اللي على جرف(ن)هياف=امش في درب الرسول اللي على العز رسمه
وآخر الدنيا يعز الرجل خلوة واعتكاف=يطلب الله في خلاه وعند ضانه وبهمه
هاضت افكار الثبيتي بالمعاني عقب شاف=المصايب في سما كل الخليج مخيمة

المشاركة الأصلية كتبت بواسطة راع الصدق (المشاركة 110557) اشكرك على هذه القصيده الرائعه لله درك ولا فض فوك وسلمت يمينك تقبل تحيات ابوفيصل ابو فهد ابو فواز

المشاركة الأصلية كتبت بواسطة binhlailبن هليــل (المشاركة 110559) فواز الثبيتي لله درك على هذه الدرة الثمينه قصيدة ذات مغزى راقي وافية مبنى ومعنى صح لسانك

المشاركة الأصلية كتبت بواسطة دليل القوافــل (المشاركة 110560) يا سلام عليك قصيدة جزلة بيض الله وجهك صح لسانك مدد ماهو عدد