أهلا هلا حييت يانور الأعيان=عودتك ردت بالمعاليق روحي
أهلا هلا يامن لها قلبي أوطان=وباقي كياني للحبيبة فسوحي
مافيه مخلوقه من الإنس والجان=اللي لها خضعت جد و مزوحي
سلمتها فكري وقلبي والأشجان=وسلمتها نزف الفؤاد وجروحي
وسلمتها فرحي على مر الأزمان=وسلمتها سري وكامل وضوحي
هي دنيتي ماغيرها لي خلان=هي فرحتي فيها جميع الفروحي
فيها هنا عمري ليا كنت ولهان=بنا لها شوقي بصدري صروحي
منها قصيدي والقوافي والألحان=فيها بروق العشق دائم تلوحي
والها مشاعر خافي كيف ما كان=دائم وهي في حراها تفوحي
ما والله أهوى بعدها جنس إنسان=ما يروق لي غيره ولو هو ملوحي
هذا غناة الروح للقاه هيمان=شقيق روحي وين ما راح أروحي
أتبع طيوفه عند ذكرى ونسيان=وأسمع صدى همسه ولو كنت موحي
الخاتمة من دون زودٍ(ن)ونقصان=هذا مناة القلب وأخر طموحي
ليا كان بعض العشق ضربٍ من جنان=حيا الله جنانٍ(ن)تمناه روحي

صــح لسانك .. ودام عطاءك

قصيده رائعه ..

كل شطر اجمل من الأخر ..وجمالها بروعة كلماتها وذوق كاتبها..

اعجبتني كثيرا ..

اسعدك المولـــى ..

أرق التحـايــــ شوق القصيم ــــــــــا

رائعة من روائع ابن هليل

وهذا ليس بغريب من شيوخنا

شيخ في العرف شيخ في الشعر

ولك خالص تحيتي

صح لسانك مدد بلا عدد

كعادتك مبدع وراااااااائع

الله يعطيك العافية

تقبل تحياتي