القوافل العربية - جرح يصيح وجرح صمته معاني للشاعر المبدع سلطان الركيبي

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

جرح يصيح وجرح صمته معاني للشاعر المبدع سلطان الركيبي

http://up101.9ory.com/v/10/04/22/08/18524343560.bmp

لاعاش ابو ذا الحب لاعاش لاكان
اللي طعني تحت حدب المحاني

حتى غديت لنايد الناس عنوان
سيرة الم مابين قاصي وداني

وحتى شمت في عثرتي واطي الشان
وزود طعوني مع بلاوي زماني

ماقال سالم وان عثر كبوة حصان
همه الى قالوا زماني وطاني

وهمي مطارق والزمن صار سندان
مابينها صامد واعاني مكاني

مجروح جرحين ٍ توارت بالاحزان
جرح ٍ يصيح وجرح صمته معاني

وانزف مواويل الغلا وارسم الحان
واكتب على ليل المواجع مغاني

واشيل فوق اكتوفي دهور وازمان
واحس حتى الدرب دربي جفاني

أحيان احس اني بلا روح واحيان
احس روحي في جسد شخص ثاني

انشهد انه موت لاهمت فـ انسان
لاصار لا يرحم ولاهو يعاني

ودام الغلا خضب خفوقي بالاحزان
ابنتقم من كل جرح(ن) خذاني

انا ومن بعدي يجي الف طوفان
دام الجسد في تربة الارض فاني

ما عاش من يكسر شموخي ولا كــان
حتـى ولو هو تحت حـــدب الـمحانــي

شعر/ سلطان الركيبي