يا قلب ما كفاك في دنيتك هم=اليوم يا قلب العنا صار همين
أتلف لي الأعصاب وأحرق لي الدم=والدمع من كثر البكا جَرح العين
الهم الأول هم حالي تحكم=لوع ضلوعي والعنا بالزمن شين
أبكي على حالي ولا فاد مندم=أنوح نوح اللي تثاقل به الدين
كني غريق يقالبه عاتي اليم=امقيد الرجلين ومكتف يدين
في داخله حيتان ماهي بترحم=تناهش أطرافي بلا وازع ودين
الحوت الأول عشق ناعس ملثم=ما ظن مثله بالبشر كامل الزين
والحوت الأخر بعد من كان بلسم=حده زمانه والبعد صار بعدين
الحال من بعده كما حال ميتم=من يوم فرق بيننا نازح البين
وأكبر مصيبة حال خلي تحطم=من لوعة الفرقا وجور القريبين
يا قدرة الله كيف قلبه تقسم=بين الرجا والياس والجور واللين
ساعة عرفت بحالها صابني غم=صارت هموم الروح بالقلب ضعفين
همي وهم اللي عسى يوم ما اعدم=شوفه ولو يمضي على بعده سنين
اليا سلم عود الغلا خير مغنم=باق الهموم تزول لو كان بعدين
عساك يا سيد الغنادير تسلم=من كل هم وغم وأحوالنا تزين
اليا التقينا كل جرحٍ(ن)تقدم=وكاد أنا بنساه وأنتي بتنسين
إصبر لو إن الصبر بحيان علقم=عل الفرج يقرب ونرتاح الأثنين
يا قلب ما كفاك في دنيتك هم=اليوم يا قلب العنا صار همين

همي وهم اللي عسى يوم ما اعدم
شوفه ولو يمضي على بعده سنين
اليا سلم عود الغـلا خيـر مغنـم
باق الهموم تزول لو كان بعديـن







هنا.. نبضات قلب يشكي
يحتاج القوه .. يريد النسيان


شاعرنا القدير / صح لسانك مدد
نزفت بأسم الحال
لا أنك دوما لا تنثر الا حروف روح
و أبجدية بنكهة مختلفة
أرتوينا من بعده
طبت بهذا الالق

و

دمت.. ودام قلبك ينبض حباً

رائعة من رائع

وتقبل تحياتي