يالله دخيلك من ترد النصيب=أحلامنا ماتت بعز الشباب
حظي تردى بعد راح الحبيب=رحمة هواها قطعةٍ(ن)من عذاب
أصرخ بعال الصوت مامن مجيب=عطشان وأطرد في بقايا سراب
راح الهنا واللي بقا لي نحيب=مشاعري أمست ديارٍ(ن)خراب
أنفاس صدري كنها من لهيب=كن الضلوع تلج فيها ذياب
أنزف وجرحي ما لقا له طبيب=ياكيف ببرى من طعون الحراب
واللي كمايه وقعته ما يطيب=محدٍ(ن)خبر مفتون بالعشق طاب
أضحك قهر والقلب مني صويب=ما عاد أميز بالخطأ والصواب
حالي غدا ما يسر حتى حريب=أبكي وتبكي من بكاي الثياب
أثر الهوى والعشق سمه رهيب=لو الغراب يحب شاب الغراب
ياليت قلبي صخرةٍ في شعيب=ما كان حظي خاب والراس شاب