:
:
:

ياغيم لا تبخل عليّ بسحايبك=أغسل مافيّ من الحزن والكآبه!!
وأنا اطلب المعبودي ياغيم ما أطلبك=وأدعي عساها دعوة ٍ مستجابه!!
وياغيم.. لوتسمح دقايق باخاطبك=والملتجى لله فقط والرجابه!!
يا غيم عنّا وش هو اللّي مغيّبك؟=ويا ما أنتظرنا اللّي مطوّل غيابه!!
ولا برد شاجً تهبّه هبايبك=ولا سؤالي جاه مِنك الإجابه!!
كنّي عدوًا لّك/وأنا اللّي مصاحبك=وأن شفت برقك قلت : يامرحبابه!!
أنا دخيلك/وأنت ضيّعت واجبك=وضيّعت من كثّر علاك الطلابه!!
لوكنت رجال ٍ تفتّل شواربك=ضحكوا على شاربك ربعي عتابه!!
لَن الدخيل اليا دخل فوقنا وبك=لو يطب الرجال ثوبه سرابه!!
أبيك تبكي /ياخيال الربيع..أبكْ=وأهني من تِغْرق دموعك ثيابه!!
شح الزمن و أوضاعنا ما تناسبك=والحظ صاير مثل قوس الربابه!!
حلالنا ميت من الجوع فالشبك=وجيوبنا وقيعان ركبه تشابه!!

:
:
:
وسلاااااااااااااامتكم

عيضه الثبيتي
15/12/1431هــ