طبّيت سوق الماقفه والهوى صلْف=وأهل الغنم مع غيبة الشمس صلفين!!
صدورهم تقول مبلوفة ً بلْف=والمشترى بيمين/والبيع بيمين!!
أتدوّخك من كثر الأيمان والحلْف=وسعر الشعير مزوّد الصاع صاعين!!
تقول:وين الربح مع كثرة العلْف=وعمّالها/والأدويه/ربحنا وين؟؟
ندلف لها ياللّي تبون الشحم دلّف=وأكثر حوايجنا من السوق بالدين!!
بعنا بهمها والجَنَب حشمة الخلْف=ونمسك سرى خلف التريله نهارين!!
والذيب كم يطمر علانا من الخلْف=والكلب ماينبح عيال السراحين!!
هذي سوالفهم من الياء ليا الألْف=وعلومنا حنّا تبى تجيك ذاالحين!!
حنّا من الكرمه قبل ضيفنا يلْف=نحوف كل السوق وندوّر الزين!!
فلوسنا فجيوبنا مالها ولْف=مأتالف ألاّ عند قنّاية الظين!!
وفالماقف المحرج وفالماقف الكلْف=نشرْ الذبيحه لو يقولون بـ ألفين!!
ومن يغلي الأسعار عساه بالتلْف=دعوه من المستهلكين المساكين!!
مادام ياعمّي تبيع الطلي بـ ألف=خلّك عساك تشيل كيسك بخمسين!!

البدو ياعيضه هل الخف والظلف=قاموا يعرضوا للمزاعم مزايين
اللي من أول كاسي كفوفهم كلف=اليوم سكناهم قصور بملايين
الفكس واقف لا بغوا دقوا السلف=ثم غار مثل الذيب خلف البعارين
مشروبه الممتاز وزيوته القلف=يطير بعلى الجو لو له جناحين
اليا إنطلق ما تسمع بطقة البلف=الا زفيره كن فوقه شياطين
لا تعترض للبدو تذبحك بالشلف=ترى البدو صاروا سواة المجانين
بعض البدو تعامله ياولد جلف=ماعندهم غير الدبس والسكاكين
كذا طبيعتهم تحذر من اللف=قدام تنشب مع هل النوق والضين
نصيحة اعقد مع هل الماقفة حلف=السعر يمكن يصبح الطاق طاقين