هذي نهاية طيبتك يابن الأجواد=مبروك خذها من يميني هديه
هديتك بالعيد وبعيد الأعياد=ولاهي كثيرة لا هديتك منيه
طعنة بلا رحمة تدمي للأكباد=جرحك يداوي جرح موجود فيه
تحرمك بعدي لذة النوم والزاد=هذي على ما قيل بالطعن هيه
حطمت بالخنجر مواثيق وقياد=وأبدلتها بالفعل ميه بميه
غرزتها في مقتل كيد وعناد=عطية(ن)ما ريد فيها جزيه
والك العهد ما أقيم ميتم ولا حداد=أسعد ليال العمر شوفتك ذيه
مذبوح بالخنجر على عين الأشهاد=يا سيدي سويت ماهو عليه
نحرتك بكيفي بعد شب وقاد=.في داخلي وأطفيت نارٍ(ن)وريه
يا سيدي هذا جزا الطيب لا زاد=لا بد من واحد يكون الضحيه
أما أنا والا أنت والصايد يصاد=مهما بسوي فيك والله شويه
إرحل بلا رحمة ولا عنك نشاد=مجهول في دنياك مالك هويه
لا عاد وقتٍ(ن)جمع الشمل لا عاد=حل الفراق وحان وقت الأذيه
هذي نهاية طيبتي يابن الأجواد=مشكور طعنة جات منك هديه

نحرتك بكيفي بعـد شـب وقـاد
.في داخلي وأطفيت نارٍ(ن)وريـه


مصافحة أولى لهالطعنه
الله يكفينا شرهااااااااااااااا


صح لسانك مدد

سلمت

جزلة من شاعر جزل


تحيتى لك

مشـكـور طعـنـة جــات مـنـك هـديــه
صح لسانك.