إبتدينا بالسلام ولا إكتفينا بالسلامي=من سؤال بلا جواب ليا جواب بلا سؤالي
وإندفعنا بتجاه أحلامنا والفكر حامي=يرسم الأوهام واقع كنها شيءٍ(ن)قبالي
لين تهنا في بحور الغي وأرخينا الخطامي=وإنكشف للفارس الميدان في وقت النزالي
وأصهلت مهرته ساعة كضها رسن اللجامي=وإبتدا طعن الرماح وبين الفارس فعالي
يروي الرمح الرديني لا تعزوى بالأسامي=من صدورٍ(ن)دمها لو يشربه بلحيل حالي
تبرد كبودٍ(ن)حيام ويبري أوجاع وسقامي=لا ورد عد الروى والشرب بالمارد زلالي
فوق ضامرة الحشا قبا على صم العظامي=تلحق العاشق هواه الغالية تطرب لغالي
مهرةٍ(ن)ماطبت المضمار لسباق الوسامي=ما تولتها سياط ولا بواكير الجفالي
الجبين البرق لا منه لمع وسط الظلامي=يسلب الأنظار لو إنه جمالٍ(ن)في جمالي
عنقها عنق النعام وصدرها مزن الغمامي=غير باقي وصفها كامل ولله الكمالي
يا قصيدي لا تروح بعيد وقع لك بهامي=ما على ربي بعيد ولا على ربي محالي
إبتدينا منتهينا يالله بحسن الختامي=هذي الدنيا عبور وكل شيءٍ(ن)للزوالي
إبتدينا بالسلام ولا إكتفينا بالسلامي=من سؤال بلا جواب ليا جواب بلا سؤالي