يسعد زمانك والوفا دوم ممدود!!!=يبقا بروحي يا غلا دام حيا!!!
يا قطعة مني ومسكنك بالفود!!!=لو فيك لوعة مثلها وزود بيا!!
لا غبت عني تصبح أيامنا سود!!!=ولا جيتني الليل بيصير ضيا!!!
صحيح أنا دائم على الطيب مجحود!!!=أشرب عطش وأموت من غير ريا!!!
وأنته على ما تفعله دوم محمود=لو كان ما قدمت للود شيا!!!
قال المثل: ماهو تقدمه مردود!!!=وأنا نصيبي منك عاند وعيا!!!
أعطيتك الأشواق ماشيء محدود!!!=وأخذت منك الصد والوضع سيا!!!
مشيت درب الحب ماقلت:مسدود=وأنا أدري إنه شمس مافيه فيا!!!
أدعس على جمر الغضا مابه ورود=كله على شأن الغلا ما عليا!!!
أمشي قهر كني مكبل بالأقيود!!!=والوجد يحرقني بصبح وعشيا!!!
ما كني الا واحدٍ(ن)من هل الأخدود!!!=مشوي على جمر الجفا منك شيا!!!
ضيعتني مابين محدار وسنود=واحترت مدري كيف بغدي سويا!!!
تبي الصراحة حظنا صار مقرود=وأنا معه غديت واحد غبيا!!!
متى بعود لسالف العهد وتعود!!!=ترى غرامك صار نارٍ(ن)وكيا!!!

صح بدنك سعدت بحضورك المميز

لك تحيتي

صح بدنك ولا هنت


سعدت بردك الطيب

الله يعطيك الف عافية


تقبل تحيتي

صح بدنك

الروعة حضورك بعد طول غياب

حمدا لله ع السلامة لا تطولي الغيبة