القوافل العربية - المفارق صعب والغيبة شتا

القوافل العربية (https://www.alqwafel.com/vb/index.php)

- قوافل الشعر الشعبي (النبطي) (https://www.alqwafel.com/vb/forumdisplay.php?f=15)

- - المفارق صعب والغيبة شتا (https://www.alqwafel.com/vb/showthread.php?t=16074)

المفارق صعب والغيبة شتا

المفارق صعب..و الغيبه شتا
برد و يحرّق قلوب العاشقين..!!
زودها لاجاك بالرمل يحثا
الزمن قوتٍ يوكله الانين
ثم زاد الناقص فوجه و قفا
يستغل الحزن بالحقد الدفين
ينصح و ينقد و يسخر بالخطا
ماعرف حظٍ له القاسي يلين
زاد حمل الصبّ و أهتزت عصا
فيها يوقف عاقلٍ صابر رزين
فضّل الوحده و فيها اكتفا
ينادم أحزانه معه ذكرى حنين..!!
يكتب و يشطب يجرّ من الحشا
كل موالٍ عن أحزان الكنين
من تعب واضح و من ثاني خفا
طالع و خافي تناقضهن ونين..!!
عين تشرح لك مهارات البكا
و عين تسرد لك تعاريف الحزين..!!
جايع و عقله يعشّيه العشا
من خيال أوهام..جوعه يستكين..!!
و يتهندم و يتعدل لا اشتكا
طيفٍ يعاتبه و يظنّه يقين..!!!
كان اول لاتركتك ما غفا
يجبرك تبكين و لعندي تجين
كيف قلبك راح عني ما حكا
عالأقل أسباب هجرانك تبين..!!
لو هو علمني مدام أنّه نسا
كيف أنسى و مثله أيامي تزين؟!!
كان مااسأل في صباح و في مسا
كيف زين الخلق بأخلاقه يشين؟!
كيف أرّق الناس ما يعرف وفا
كيف يتركني مع أفكاري سجين؟
كان نسياني يدفيني الشتا
في برد هالحيره ما اصفق باليدين..!!!!
و كان لو زاد القدر حمل الغثا
ما أطيح و ما أبوح و ما أصيح و ما ألين..!!
و إذا انتبه..!! ماجاه لو رد الصدّى
حسّ بالواقع يرّجعه لكمين..
حزنه و همّه..!! توضأ و التجا
و سجد يدعي عسى ربّه يعين..!!