سر يا قلم واكتب من الفكر نفحات=نفحات صدر الي خدمهـا قلمهـا
من شاعره تكتب وتدلي بالاثبـات=في راس رجم العز رفرف علمها
اكتب ولا ابين رموز وعبـارات=...على النقا والـي فهمهـا فهمهـا
اكتب رسالة شكر لهل الاشاعات=الي بلا مدلـول ترمـي تهمهـا
كم كلمةٍ راحت وكم كلمةٍ جـات=والي بدا بالنقص نقصـه ختمهـا
يا باحثٍ ستر البنـات العفيفـات=مايستوي قاع الوطى مع علمهـا
يا ويلكم يـا ناقصيـن المـروات=الي ورا الديكور تخفـي خممهـا
انا العنيـده والقوافـي عنيـدات=الوقت لو يثـر بهـا مـا لطمهـا
انا وريثة عز مـن مـاضٍ فـات=شواهـد التاريـخ محـدٍ كتمهـا
قلته ولا خصيت لفـلان بالـذات=على النقا والـي فهمهـــــا فهمهــــــا !!

سر يا قلم واكتب تراحيب عذبات=قابل بها عنيدةٍ(ن)ونحشمها
خل المعاني فوق شما وجزلات=ليا فاتت الجزلة صعيب تحكمها
يا بنتنا دام المباني رفيعات=عيشي بعز ومثلنا ما يهدمها
من دونك سباعٍ(ن)بكل المهمات=حصنك ودرعك بالليال ولممها
خليك في روس الحصون المنيفات=لا تخالطين اللي خبيثٍ(ن)نسمها
لا يجزعك يابنت جاهل وشمات=الذم ما هد الجبال وقممها
عدي عن الحاقد وزليه بسكات=ترى الحراير ما تخالط رخمها
يا بنت عند الله نارٍ(ن)وجنات=للي يغيب الناس ياكل لحمها
هيهات يا بنت الأجاويد هيهات=قومٍ(ن)عصوا لله محدٍ(ن)رحمها
لا تتعبين الروح يا بنت بآهات=دامك من اللي علنا ما نعدمها
العزوة اللي من عصورٍ(ن)قديمات=ساطي على كل المحافل سهمها
ربعي وربعك في قديم وجديدات=وقت اللزوم تزوم قبل نعزمها
ظلك وسترك بالرخا والصعيبات=اليا نوينا نفكها ونحزمها
يجلي لنا وقت اللوازيم وقفات=وليا عزمنا حسمها بنحسمها
لطامة العايل بحد الصقيلات=ذباحة اللي تنقلي في شحمها
هذا بعض ما قلت من شعر وأبيات=والطيبة تبقا لمن هو وسمها
قالوه من عقب ولو مات ما مات=على كلامك من فهمها فهمها