سلام عليكم

أسعد الله صباحكم..

تقبلوا هذه الأبيات..

الله من قلب ٍ تجدّد حسافته=من يوم ما بعض الهواجس حافته
وقت ً يصارعنا وحنّا نصارعه=مدري يعافتنا وحنّا نعافته
مير الأكيد إن الزمان متغيّر=وقت ً على العقل يامكبر أفته
الزور صارت كلمته جاهريّه=والحق صارت كلمته شبه خافته
ولو الخطاء ينشاف في شدّة الضحى=ما كنّها عيون المخاليق شافته
تلقى مع المخطي عبادًا تدفّه=هذا يصفق له وهذا يخافته
مسافة الشّر فآخر الوقت قرّبت=والخير بين الناس طالت مسافته
ما كن فقلوب البشر خيفة الله=لا قلّل الله جوف قلبي مخافته
الطيّب أحبّه ولا أمل رفقته=وألاّ الضعيف أشد ما أكره ضعافته
جرّبت فالأيام والوقت مدرسه=وعرفت بإن الرفق عزّه نظافته
كم واحدًا كلمة نعم ماتطوفه=وكم واحدًا حتى الفناجيل طافته
وكم صاحبً يضحك ويظهر بشاشته=والنكت الأسود داخل القلب كافته
ليت الرخوم وسومها في وجيّها=ويكتب على بيوت المهابيل لافته
حتى ليا جات الطراقي تزلّها=والنفس لا عافت لها شي عافته

أخوكم/
عيضه الثبيتي
12/4/1432هـ

والنـفـس لا عـافـت لـهــا شـــي عـافـتـه

صح السانك يا ابو فيصل
شاعر والشعراء قليل
قصيدة في قمة الابداع والجزاله
فالك البيرق والمليون
تقبل تحياتي الخاصه
صقر عتيبة