اشوف العتــب بعيــونهم واخـفي العـله=
واشوف القهر طاغي واسكنه في دعواه=
سبق سيف عذلي مارحم طاهر المـله=
جروح الزمن غطت حناني على بلواه=
واحس الخطر راهي وانا عارف الزله=
خطا والخطا ليته يعديني واتعـداه=
وقلبي يعذبني وخطب الخبر تله=
لا ليت ياشعري فراق تبع فرقاه=
عيالي وانا روحي تندم على حله=
شربت الكدر وقت بدأ صافي محلاه=
عروقي وشرياني تقطع وباشله=
اشل الطعون اللي بدت والدهرينعاه=
واعدد مواويله سهامي وهو سله=
احاول اهديها وهي داخلي تتناه =
تنادي من اوجاعي وتحبسه وتفله=
شعور كتمته في فؤادي وبتحاشاه=
بريح ضمـير يحترق والغثاء مله=
بنيات شعري وش بقى بالعنا عزآه=
ونزف الألم باقي وجرح القهر خله=
ودمع الندم حامي ورد الخبر لآماه=
حياة الكدر عاثت وليل السهر غله=
غلت داخل عروقي وجمرالصبريشناه=
قبلت الفشل لكن علشانه ولآجله=
نجاح النتايج والفخر مكسب ومدعاه=
أنا قلت اجربها واشوف البناء كله=
تعرت من الصورة عناوينها وأمناه=
تخلت مضامينه من الحيل والحله=
الا كيف اسكنها حكايات واويلاه=
تيبس عـروق اللي صغـيرولا دله=
يشوف الوفا غادي يعديه ومايتلاه=
يشوف السما زرقا ويركن على ظله=
يشوف البحر صافي ويخطيه ياأوآه=
غرق مركب القايد وانا تهت في ظله=
تعب موجه العاتي آلا كيف ابتحـداه=