ثلاثه من ثبيت وودنا باللي يسد النوب= يجمل مخلف الهقوات قدم معزب الحله

ورقعه من قماش الثوب تزها في قماش الثوب= ليا غطت على شقه تغطي موخره كله

يسد النوب مثلك بالكرم يا غاية المطلوب= يعش الضيف والزايد يبا يقعد على حله
ثياب الناس مايوجد بها خله ولا عذروب = وثوبك من خلافك منشلح ياصاحبي شله

انا وياك يعثمان لاغالب ولا مغلوب= وانا خابرك رجال تشيل السيف وتسله

حشا ماذمكم واقول فيكم لابس المقلوب= وثوبي ياطويل العمر تفصاله على مله

شواعيرالبلد ياهل البلد فنجالهم مشروب= وبعض الناس يحضر ويتغيب محد يفطن له
وانا ما اذمكم لو تسلمون من اصفر العرقوب = يصب الكم عصير البرتقال بداخل الدله