يا حبيب الروح سامحني ترا=العتب مالله خلقه الله الك
أنت عمري وأنت لعيوني نظرا=يا غناتي مستحيل أزعلك
أنت حبي أنت روحي يا ترا=تقبل تصير لفؤادي ملك؟
ودي أسهر معك وأنسى للكرا=يا بعد هلي ويا شمعة هلك
ليلنا نقضيه كله سُمرا=ما نحسب حساب دورات وفلك
أحضن الشوق لامن جمرا=وإشتعل فيك الغرام وبهذلك
صيح بي وأصيح بك لا تنطرا=إندفع نحوي بضمك م اسألك
ضمني ثم لمني ثم بعثرا=خلني أحس بك م أتخيلك
شب فيني ضؤ عشقك وأسعرا=علني أهلك بعد قلبي هلك
من هواك اللي زرعته وأثمرا=في حنايا الجوف بعروقي سلك
ودكي ما فيه بيع ومشترا=إنزرع بالقلب دايم يحملك
سو فيني ما تبي لا تذخرا=في رضاك وفي زعلك موكلك
ذا غرامي يا غرام وتشكرا=ما خُلقت الا إلي وأنا الك