ياصاحبي لا تلحق اللوم بعتاب = انا زماني شق صدري بسيفه
كانك سواتي من عنا الوقت منصاب=لا تعاتب المجروح وانته رديفه
انته وانا في عصرنا مثل الاغراب = نمشي مع الشارع ونكره رصيفه
نفرح ونستبشر مع الوقت لا طاب = وانضيق لاصارت همومه كليفه
تسوقنا القسمه مع دروب الاسباب = على جحافيل الظلام المخيفه
اثر الامل كذاب والوقت كذاب = والناس كذابين منهم نصيفه
كم اخدعتنا ضحكة السن والناب = ولا غرنا غير النوايا العفيفه
بمعادي(ن) متلبس(ن) ثوب الاحباب= نذل (ن) يغش اهل القلوب النظيفه
الغش شايع وانتشر بين الاصحاب = حتى الحليف اليوم باق بحليفه
يوم الوفاء نفدا بعضنا بالارقاب = والقصد سامي والنوايا شريفه
واليوم نصاب(ن) يجامل لنصاب = مخادع(ن) غر الخلايق بزيفه
تسودنا في هالزمن سنة الغاب = المجتمع ياكل قويه ضعيفه
كانك فقير يصك في وجهك الباب = وكانك غني تقلط على اعز ضيفه
وقت الغناء الفاحش طغى وفوق الانساب= واطفاء وهيج اهل السيوف الرهيفه
يرفع مقام اشناب ويطمن اشناب = وينزل الخادم محل الخليفه
يعني يذل الروس ويعز الاذناب = واضفاء براده فوق لا هوب صيفه
حتى الصقر نزل على وكره غراب = بالساميات الطايلات المنيفه

المشاركة الأصلية كتبت بواسطة صانع الكلمة (المشاركة 131089) الشاعر الرائع والمميز دائما ( عثمان الثبيتي ) أحييك على هذه القصيدة ودائما إعجابي فيك يزداد مع كل قصيدة أقرأها لك لأنك دائما متجدد في مواضيعك وأفكارك ولكن اسمح لي بملاحظة بسيطة أرجو أن تتقبلها من أخيك يرفع مقام اشناب ويطمن اشناب وينزل الخادم محل الخليفه في الشطر الثاني من هذا البيت المفروض الخادم يطلع ولا ينزل لأنه سوف يرتفع إلى مقام الخليفة وليس العكس فحبذا لو استبدلت كلمة ( ينزل ) بكلمة ( يطلّع) أو ( يرفّع) أو أي كلمة ترادفهما تكون على الوزن وهناك ملاحظة أخرى وهي أنك انهيت القصيدة دون خاتمة معينة يعني أنه بإمكان أي شاعر أن يكمل عليها أبيات أخرى بسهولة فقط هذا ما أحببت أن أبينه وليس هذا نقصا فيك أبدا والله ولكنه من أخ معجب يتمنى لك التقدم دائما أرجو المعذرة وتقبل جل احترامي وتقديري وإعجابي