مافيه داعي تتعب الروح في ماش=دور على اللي ينفعك في حياتك
العمر يمضي وإن ذهب كله بلاش=منته بكاسب نفع عقب مماتك
وإن كان تبغي لاش دور على اللاش=يمكن صفاته تتفق مع صفاتك
لا تتجه يمي تراني ما بناش=لا تحطني يا هيه ضمن أمنياتك
أنا مثل نجمٍ(ن)قدح قدحة فلاش=فوق السحاب ولا تجيبه مراتك
العلم واضح مثل ماقيل بالكاش=أخذه وريحني بطيب سكاتك
ماني بلا كاذب ولاني بغشاش=إن كان تفهم ذي حقيقة وجاتك
واضح وضوح الشمس ماني ببكاش=ماني شريك بسيتك وحسناتك
التسلية والضحك في طاش ماطاش=وصولك لمثلي حلم في سباتك
خلك مع الأطفال والعب مع كراش=لعبٍ(ن)على قدك يحقق غناتك
جنب عن الأشباح بالدرب وإنحاش=لا تقرب الأشباح تخسر حياتك