البارحه ليلي كآبه و غربه = ضايق صدر والعين زايدسهرها
كم ليل قبله موق عيني سهربه = قلبٍ جريح وعين تسكب عبرها
عليك ياللي قرة العين قربه = كبرة معاناة(ن) لحقني ضررها
اللي فراقه خافقي ما قدربه = كود السمك تقدر تفارق بحرها
ياما رجيت بطول دربي ودربه = مسافة(ن) مابيننا نختصرها
شوفه يفرج عني الفين كربه = وقربه يجدد دنيتي ويعمرها
حبه سكن قلبي وعاش وعمربه = اصروح من صلب الرواسي حجرها
حتى ملك سيف الغلا وانتصربه = سيطر على كل المشاعر واسرها
ياما نهابه نور عيني وامربه =اوامر(ن) مصدر سرور اعتبرها
حلو(ن) ملك كل الحلا واشتهربه =كن الحلاوه فيه ربي حصرها
فيه المزايا كثر وابا اختصربه = بيتين شعر((ن) صفو فكري سطرها
كان السما فيها قمر تفتخربه = الارض تفخريوم خلي قمرها
في مشرق الارض الفسيحه وغربه= من حقها تعتز باجمل بشرها