هذا غلاك اللي تقوله لك أيام=وأنا من الطيبة على طول صدقت
أثر الغلا عندك طواعين بسهام=ترمي بها قلب الوفا لين مزقت
شربت كأسك وأثر مشروبها سام=ما كنت هاقي لين فيها توهقت
وش فائدة أدق لصباع ببهام=وأندم على قلبٍ(ن)بفعلتك حرقت
فات القطار وبانت أحلامي أوهام=وياليتني ما كان فيها تعلقت
غلطة عمر تقعد على مر الأعوام=ما تنمسح من خاطري لو روقت
وبعدك تقول إقعد تبي تصدر أحكام=ماهو بكافي حلم بيديك فرقت
الى متى أقعد؟الى وقت الإعدام؟=أظن هذا مطلبٍ(ن)قبل حققت
بعد الغلا تبدلت حالنا خصام=ليا جيتني بالغرب للشرق شرقت
ما عاد باقي شيء بقلوبنا خام=كل المشاعر داخل البحر غرقت
والله تستاهل على فعلك وسام=أسرتني وذبحتني ما ترفقت
سويت بي مثل الأسد في هل الشام=أحرمتني حريتي ما تذوقت
مدري تمنى تصير بالوقت صدام=تحكم علي بتهمةٍ(ن)لي لفقت
هذا غلاك اللي تقوله لك أيام=وأنا من الطيبة على طول صدقت