جرحك وطن زيده من طعونك جروح=واغرس به اشواكك ولا تجرح يديك
خليني مثل الطير باقفاصه ينوح=يعشق هوى سجان في صمته ضميك
خليني مثل العيد في عامك واروح=واجيك رغم الصدّ .. في شوقي اجيك
ما انا بشاعر بس خفـّـاقي يبوح=لك في قصيده كلها لك او عليك
ما ابي اطوّل لك بتقديم الطروح=نظره تعاتب لك ونظره تشتكيك
هذي عيوني بينها كل الشروح=محمـّـله مليون جيجا شرح فيك
قلي بربك وين منك بس اروح=وانا دروبي كلها تمشي اليك
لو كنت صفحه بالسما مليون لوح=لو آخر الصفحات والله ما اكتفيك
لو كنت ظالمني فانا كلي سموح=ابشر انا ويـّـا العداله نحتريك
لو آخر ايامي بشايرها تلوح=يموت واليّ بالكفن ما قد نسيك
انفاسك اليّ عطرها كاذي يفوح=وفكري اليّ بالليالي يختليك
نمزج هوى روحين نبقى بس روح=ونكون واحد مالنا ثاني شريك
جرحك وطن يكفيك من جرحي وضوح=دامك وطن جرحي فحيا بك مليك