طلبتك يا نظر عيني أبي مره تقل لي تم=تمد الكف أبي أكتب أحبك وأكسر أقلامي
بعدها ارمني في بحرك العاتي بوسط اليم=وبنسى في محيطك ماضي أزماني وأعوامي
بذوب بعالمك وأضم حلمي يا حياتي ضم=أنا معك حياتي وأنت كل العمر وأحلامي
رسمتك قبل أعرفك يابعد روحي لذاتي حلم=رسمتك للمشاعر لوحةٍ(ن)تحكي لأيامي
كفاني ما مضى من عمري اللي راح واتحطم=خسرت سنين عقب سنين تايه وسط أوهامي
الى متى أعيش العمرمن غيرك وكلي هم=يصيح الشوق فيني والقهر خلفي وقدامي
غرامك لو سكن بالصخر صاح الصخر وإتكلم=فما بالك بروحٍ(ن)عايشة من دم وعظامي
يحبك كل ما فيني مشاعر والجسد والدم=يغني لك قصيدي يا قصيدي عذب الأنغامي
ظلمني بعدك وهجرك وحبي والغرام أظلم=لقيتك بالهوى يامن عشقته أشرس أخصامي
حبيبي كيف ترضى لي بعشقٍ(ن)في يتحكم=وتذبحني بصدك يابعد ناسي وأقوامي
أنا ما كنت أعرف إن الهوى للروح موت وسم=لكني طحت ويلي طحت لا تحكم بالإعدامي
تمر أيام عقب أيام أسامر غم أصابح غم=أناجي طيفك الساري يساهرني ولا أنامي
طلبتك يا نظر عيني أبي مره تقل لي تم=تمد الكف أبي أكتب أحبك وأكسر أقلامي