روضتي العاصي غدا لأمرك مطيع=ماعاد لي غيرك بوقتي طليبه
ولااعاد يجذبني جمال المفاريع=كل المفاتن عقب حسنك كئيبه
ولا عاد تعجبني فعول الشعاشيع=إن كان ما فزت بك والله مصيبه
ماتهمني كل القلوب المواجيع=الهم كل الهم قلبك حبيبة
ابيك زبد ليا شعر حري يميع=وابيك عندي بالمشاعر قريبه
بلتم من دنياي واجيك واضيع=بين المفاتن والوصوف العجيبه
القلب عن غيرك بشمعه تشميع=بسلمه لعيونك اللي رهيبه
الحب قطع قلب مغليك تقطيع=والشوق ولع بالمعالق شبيبه
هواك مزع ساكن الروح تمزيع=يا ساحرة يا فاتنة يا طبيبه
أضم طيفك وأشري الحلم وأبيع=بين الرجا واليأس ينجب نجيبه