يا قصيدي ساع زانت طواريق القصيد=قوم وأرقص يا قصيدي لعين الملهمه
كل معنى ياقصيدي لها صاير جديد=وكل طاروقٍ(ن)تدشنه يحسب مكرمه
ما تحلا الشعر لين الغلا حب النشيد=القوافي إنتشت جات عجل مسلمه
ودهن تصير جوهر يعلق فوق جيد=الهنوف اللي بكل الخصال متممه
فاتنة بالحسن والذوق والمجد المجيد=ساحرة بالمنطق العذب جد معلمه
هي فريدة بالنساء كل مافيها فريد=مثل نور البدر وسط الليال المظلمه
سيدة في عصرها مالها بالناس سيد=جامعة بين الشهامة ودين المسلمه
كنها من ماس بين المعادن والحديد=طاهرة ما مسها عيب والا مظلمه
عالية مثل التريا عن الناظر بعيد=واضحة ما تحتمل للظنون المبهمه
راقية في فكرها رايها محكم سديد=لا نوت لأمرٍ(ن)بحكمة وعقل تحسمه
جامعة كل الفضائل جديدٍ(ن)مع تليد=لوحةٍ(ن)فيها المحاسن جميع مجسمه
ويش تكتب يا قصيدي وتبدي ثم تعيد=كل ميزة بالجميلة تعاوز ملحمه

ماأجمل تلك المشاعر التي

خطها لنا قلمكِ الجميل هنا

لقد كتبتِ وابدعتِ

كلمات رائعه في معانيها

استمتاع حد الثمالة

بين سحر ملهمتك التي

ليس لها مثيل





صح لسانك للرضا



دمت بألف خير

صحت أبدانكم جميعا




شكرا لحضوركم الكريم وتعليقاتكم العذبة