يقولون العرب راع الصدق ضيع بعض نوقه=وكل شعبٍ من الشعبان موزي فيه له ناقه
وأنا الليله نويت أحمله بالحمل وأسوقه=جمل خابره ما يرغي ويشكي قلة الطاقه

نياقك ياطويل العمر ماسومه ومسيوقه=عليها شاهدك مجلوبةٍ مع قوم سراقه
لكنك لا تخليها تراها ذود مطفوقه=قبل تجيك يابن الناس للجزار منساقه

حلالي سقتها يم الحيا ماهي بمسروقه= توقع من نثر فالدرب ماه يروح ماحاقه
ترى كل يعاين للحيا لا لاحت بروقه= يشد من الديار المدهره لاشاف براقه

ترى منهو ترك داره ديار الخلق بتعوقه=وأنا ماني مشره فوق من يلعب بطرباقه
ترى ماني بعجل وكل مطرودات ملحوقه=ولاني لاحق لمقفي بعد عني ركز ساقه