عامين مرت كنها ربع ساعه=مازلت فاكر وأفتكر وأتفكر
حقيقة ماخالتطها الاشاعه=شوفة عيوني فاكره ماتغير
اللي ملك قلبي محاسن طباعه=شامخ شموخ طويق غروٍ(ن)تمخطر
جاني وجيته ماحدتنا مراعه=لوهو طلب روحي حشا ما توخر
قلبي هواه وثاقب الفكر طاعه=حبه كبير وصار من بعده أكبر
بعد الفراق اللي هوى الروح لاعه=مقدر على النسيان والله ماأقدر
حبه ببحر القلب فارد شراعه=رغم العواصف راسخٍ(ن)ما تكسر
بصبر على بعده ومر الملاعه=مالي حلول إلا الأمل والتصبر
عل الزمان يزين وإلا شفاعه=يلتم فيها الشمل مهما تبعثر
وإن كان ما الله راد يالله قناعه=تجبر خواطرنا ونرضا المقدر
مالي بعدها بالعذارى طماعه=عن غيرها قلبي مقفل وعذر
عذرت من راع الأدب والمياعه=كل النساء من بعدها صفر وأصغر
عامين مرت كنها ربع ساعه=مازلت فاكر وأفتكر وأتفكر