يهناك نومك ياوليفٍ(ن)غطه النوم وغفا!!!=وأنا على المركا ثلاث أيام رمشي ما نعس!!!
ما حدني على السهر إلا صدوك والجفا!!!=وإلا العلوم الباقيه ماهمني ضيم وفلس!!!
أصارع أحلامي ببردي وأنت راقد بالدفا!!!=والشوق يشعل في ضلوعي مثل وهاج القبس!!!
كل ما لما لي طيفك الساري تبعته وإختفا!!!=أطارده ماكني إلا جندي بشرطة عسس!!!
صفيت لك يافاتني لكن قلبك ما صفا!!!=مثل المريض اللي تماثل للشفا ثم إنتكس!!!
واهج غرامك هبته ريح التجافي وإنطفا!!!=وأنا فؤادي من سنا نار المودة إنحمس!!!
ماني بمن يهواك في وجهك وأخونك بالقفا!!!=ماقلت لك:أهواك لين القلب بالحب إنغمس!!!
سكنتك بقلب الوفا بعد نبض لك بالوفا!!!=زرعت لك روض الفؤاد ورود قبلك ماأنغرس!!!
ياما خفق لك خافقي خفقات طير يرفرفا!!!=مشاعري ترقص معه والشعر للنشوه فرس!!!
أيام كنت تقول لي:أعشقك وأصرخ ما كفا!!!=أحلامنا كانت كبار وحظنا واقف نحس!!!
درات رحاة أعمارنا واللي جمعناه إنكفا!!!=أزهار وردك ذابله وأغصان صبري لليبس!!!
لو كان كبدك مثل كبدي للوصال تشفشفا!!!=ماطاب لك حلو المنام وضاق بك عذب النفس!!!
هذي شواهد شاهدة مافيه داعي نحلفا!!!=صدقتني وإلا بعدك الوضع عندك ملتبس!!!
طعم الهوى سم بعسل بلا ولا منه شفا!!!=من ذاق طعمه إنتهى وإلا به العقل إنلحس!!!
واصل منامك ياوليفٍ(ن)غطه النوم وغفا!!!=وأنا على المركا مواصل رمش عيني ما نعس!!!

لا عدمت حضورك وتعليقك العذب


كلك ذوق


لك خالص تحيتي