أقفت بعد ما جزت القلب نصفين!!!=نصفٍ(ن)خذته ونصف قسم المواجع!!!
نسيت كلامٍ(ن)دار ما بيننا البين!!!=رخص الوصال وفضلت للمقاطع!!!
مستعجلة ما تدري إن المحبين!!!=أكبر مصايبهم بيوم الموادع!!!
لا من غلب للحكي سافح من العين!!!=وعامت محاجرهم ببحر المدامع!!!
ياشينها لحظة ليا غرد البين!!!=على مشارف روح ولفٍ(ن)تنازع!!!
يرقب ظعون أحباب صاروا مقفين!!!=مافيه أمل لرجوعهم للمرابع!!!
واقف ويصفق كف وشمال بيمين!!!=في موقفٍ(ن)ما يحتمل للتراجع!!!
لحظات هدت ما بنيناه بسنين!!!=اليأس غالب في مشاعر تدافع!!!
زاد الوجع والحزن بالقلب ضعفين!!!=ما عاد به أمل للأحلام نافع!!!
بعد الفراق الشين ما عاد به زين!!!=ضاقت فسيحة كون من قبل واسع!!!
غلب سواد البعد والعنف للين!!!=بعد توارى نور بالروح ساطع!!!
تقفلت أبواب يمكن وبعدين!!!=قضت محاكمها بليا ترافع!!!
أقفت بعد ما جزت القلب نصفين!!!=نصفٍ(ن)خذته ونصف قسم المواجع!!!

كعادته بن هليل يجبر الحروف على الوقوف عند رغبته

يسحر الالوف بريشة قلمه وابداع شعره

يصوغ قصيدته بطريقة تفوق المالوف

صح لسانك ودام عطاءك

تقبل مروري