الـهـواوي عـيـونــه مــاتــنــام الـلـيـالـي = سـاهــر الـلـيـل كـلـه بـيـن هـذي وذيـه
سـاعـة(ن) مع حبيب الروح في رأس عالي = سـاعـة(ن) يجمع أوراق الغصون الظميه
الـهـواوي شـعـاره مــيـزة الاحـتـمـالـي = ساعة(ن) تحت شمس البعد ساعه في فيه
ساعة(ن) يشتكي من قسو بـرد الشمالي = سـاعـة(ن) يـقـطـف ورود الليال الـدفـيـه
كـل منهو هواوي من قسا الوقت مالي = مال غـصـنـه وطاحت الـزهـور الـبـريـه
الـهـواوي غـصـونـه تزهر من الوصالي = لا جـفـا الـخـل تـذبـل الـورود الـشـذيـه
غـيـث مـن هو توده لا تهاطل وسـالـي = يـنـعـش أرواح ماتت مـن دهور(ن) قويه
الـدهـر مـاطـره بـرق الـجـفـا لا محالي = كــل مــالاح بــرقــه ون راع الـقـضـيـه
الهواوي يـدوس الشوك من شأن غالي = ساكن الـروح روح الـقـلـب جاته هـديـه
الـهـواوي شرب كـأسين مـر(ن) و حـالـي = كأس مر الـبـعـاد و حـلـو كأس (ن) هنيه
الـمـولـع طـوى طول الدروب الطوالي = حـسـبـي الله على مـوج العيون الشقيه
لـو يـطـول غـيـاب الغيث مـا عنه سالي = أنـتـظـر هاطله فـي كل صبح وعـشـيـه
طـالـبـك ياعـظـيـم الشأن تلطف بحالي = الـطـف الـطـف يارب الـكـون رب البريه
يـالله إنـي دخـيـلـك مـن كـسـور الليالي = تـرحـم الـقـلـب يـاربــي تـغـفـر الخطيه

المشاركة الأصلية كتبت بواسطة القنـــــاص (المشاركة 143253) صح لسانك واعتلا شانك ابداع غير مستغرب وفقك الله

المشاركة الأصلية كتبت بواسطة طارق العبيدي (المشاركة 143258) صح لسانك وسلمت يمناك نص شعري جميل

المشاركة الأصلية كتبت بواسطة فارس نجد (المشاركة 143269) صح لسانك وسلم بنانك وافية لا هنت

المشاركة الأصلية كتبت بواسطة عساف الأصائل (المشاركة 143272) صح لسانك واعتلا شانك رائع ما دونت