ياالله يامنزل تبارك مع الطور= ايات تتلى كل قاري صدحها
نطلبك عفوك حينما ينفخ الصور= انت الكريم وكل زله دمحها
في ليلة شعت بالافراح والنور= واستبشرت فيها القلوب بفرحها
ليلة خميس وخاطر الجمع مسرور= شوق الفرح وانس المحبه شرحها
تاريخها مكتوب بحروف وسطور=من جاه كرت العرس وسطه لمحها
خمسه شهر سته بعد خمسة شهور= اضفت علينا بالمشاعر مرحها
جينا نشرف ونتشرف على الفور= واهل الوفا مااوفيت لو امتدحها
يامرحبا مليون والبيت معمور= بضيوفنا والدار ترقص فسحها
على الشحم والبن والعود له دور= وطيب النبا والطيب قرظة ملحها
عند الغروب اللي لها فالعلا سور= صرح المعزه من معالي صرحها
ومبروك ياذخر الوفا محكم الشور= جعل الليالي مايمرك ترحها
الله يجمعكم على خير وسرور= دعوة محب من ضميره نصحها
ومشكور يامن شرف الحفل مشكور= حضوركم زال الهموم وبرحها
والخاتمه صلوا على كامل النور= محمد افرح به صدور وارحها

ليلة خميس وخاطر الجمـع مسـرورشوق الفرح وانس المحبـه شرحهـا
تاريخهـا مكتـوب بحـروف وسـطـورمن جاه كرت العرس وسطه لمحهـا
خمسه شهر سته بعد خمسة شهـوراضـفـت عليـنـا بالمشـاعـر مـرحـهـا
جينـا نشـرف ونتشـرف علـى الفـورواهـل الوفـا مااوفيـت لــو امتدحـهـا