لا تقترب للحما ياللي حوال الحما=
ترى الأسد من تقرب منه ما يرحمه=
يا شيب منهو تمنى ينوش وجه السما=
لو مد يده محال ينوشه ويلزمه=
ياكم واحد يشوف الماء وموته ظما=
وياكم واحد بنا واللي بنا يهدمه=
وياكم فصيحٍ(ن)لسانه لاصدقٍ(ن)بالجما=
وياكم عالم تعلم شيء ما يفهمه=
كثير غره زمانه بالغرور احتما=
ولا كل حالم تحقق كل ما يحلمه=
ولا كل رمحٍ(ن)يصيب اللي عليه إنرما=
ولا كل منهو برم له هاجس بيحكمه=
كثير ناسٍ(ن)ضحايا فكرة تبرما=
مهما نصحته يجنب قال : لا بحسمه=
يالله دخيلك من الظلمة وتبع العما=
العلم ما يعرفه والنصح ما يلهمه=