كثير أشياء بدنيانا طوتها نعمة النسيان!!!=وقليل أشياء بدنيانا محال الفكر ينساها!!!
تعيش بخلدنا طول الليال وما بقا بأزمان!!!=بطوع وغصب تبحر بالفكر والقلب مرساها!!!
ليا منا ذكرناها مشاعرنا يجيها جنان!!!=تدافع نحوها ياحلوها لو كان ما أقساها!!!
محطات العمر على طريقه بالحياة الوان!!!=ورود وشوك مختلط الندي بغصون يبساها!!!
قوانين الطبيعة حسب ما قدر لها الرحمن!!!=بداية ونهاية لخشونتها وملساها!!!
كذا حالي وحال اللي لها بين الضوع أوطان!!!=فريدة بالحسن والذوق والفتنة بنعساها!!!
لها منطق وحسٍ(ن)مالها مشابه من النسوان!!!=مشاريع الهوى قلبي عليها طوع رساها!!!
هواها يجري بدمي مثل ما يفعل الإدمان!!!=غذاء للفكر لا من ضاق من جوعه تحساها!!!
تولى حبها روحي حقيقة الهوى سلطان!!!=عجز وقتي وحظي من تبدلها ودساها!!!
هواها في فؤادي ما شعر به بالحياة إنسان!!!=يلاعب للمشاعر كم تصبحها ومساها!!!
كثير أشياء بدنيانا طوتها نعمة النسيان!!!=وقليل أشياء بدنيانا محال الفكر ينساها!!!