سلموا لي على اللي ما هدا جواله=يتصل والهدف وده يعرف بحالي
مشغل الفكر وأشغل بالقصيدة باله=ما طرا له ظنونٍ(ن) بالفكر تطرالي
طمنوا صاحبي الله يريح حاله=والله إني بخير وعافية يالغالي
القصيدة تراها فبركة ورساله=والضمائر نقية رد بالمرسالي
الرمي متقنه والخيل من خياله=والمطر والرعد والبرق جوف خيالي
مزح والمزح للرجال بعض أعماله=والرواسي ياعونك سميت بجبالي
كل وقتٍ(ن)على ماقيل فيه رجاله=لكل حينٍ(ن)مؤكد دولةٍ(ن)ورجالي
البشر ما أحد قانع بالزمان بماله=زينةٍ(ن)للحياة عيالها والمالي
ياهني عبد وفق ربنا لعياله=ثم قدم لنفسه من جميل أعمالي
مانسي ربه ودينه بطرد رياله=دنيةٍ(ن)زايلة ما تستحق ريالي
سلموا لي على اللي ما هدا جواله=يتصل والهدف وده يعرف بحالي