الناس كل مع حبيبه يعيد=
وانا حبيبي حائل البعد دونه=
ودي بشوفه نهتني ونتزيد=
لكن ياعزاه قفت ظعونه=
الحظ لامن شان لازم يحيد=
أرسل رسائل مير ماياصلونه=
ياليت حظي مثل عبدي سعيًد=
عنده سعيده والعرب يحسدونه=
وأنا أدري إن العبد ماهو بجيد=
لكن تفرعن والبشر يمدحونه=
بعد المهانة صار شاعر وسيد=
والسيد اللي كان ربي بعونه=
كنه على ماقيل عبدٍ(ن)مقيد=
حتى حبيبه ما تشوفه عيونه=

المشاركة الأصلية كتبت بواسطة binhlailبن هليــل (المشاركة 149350) كل عام وأنتم بخير الليلة عيد وعساكم من عواده حبيت أداعب مسامعكم بهذه الأبيات علها تلقى القبول الناس كل مع حبيبه يعيد= وانا حبيبي حائل البعد دونه= ودي بشوفه نهتني ونتزيد= لكن ياعزاه قفت ظعونه= الحظ لامن شان لازم يحيد= أرسل رسائل مير ماياصلونه= ياليت حظي مثل عبدي سعيًد= عنده سعيده والعرب يحسدونه= وأنا أدري إن العبد ماهو بجيد= لكن تفرعن والبشر يمدحونه= بعد المهانة صار شاعر وسيد= والسيد اللي كان ربي بعونه= كنه على ماقيل عبدٍ(ن)مقيد= حتى حبيبه ما تشوفه عيونه=

هذا الهوي مافيه صانع وسيّد = حتي هل الاختام مايقدرونه
اسجد مع الساجد وكبر وعيّد = من طاوع الشيطان جته المهونه
رسايلك تاصله مار المكيّد = ناوي علي فرقاك تقرع شنونه
الظاهر انه مثل غصن الجّريد =اليا قطعته راح شكله ولونه
لاتحسدون العبد راع العصيّد = الحال من بعضه وشوفو عيونه
لولا المخافه من جماعة قعيّد= البيت لا غيّر زوايا ركونه
مامن حلا والقمل فيها امعيّد = حتي المهر مسّتكثره ياخذونه
وعيالها مثل القراد المبيّد = لاجاني الدينار مايعتقونه
والجيد وش حضرته لولا اسعيّد=حتي خصومي فيّ ماينكرونه
بنيت قصري يوم قصرك امشيّد= بفعول زندي والنشاما يجونه
ابشرك ياللي حضرت اتصيّد = منته بلاقي شي خلفه ودونه