بتال قرب كان ودك تكمل الطرقه معي=واما ذبحنا للجمل والا ذبحنا للطلي
ودي اعلمك لحساب الضرب والا تجمعي=اللي اعزه يشهد الله احسبه حسبة هلي

هات السوالف هاتها يالحنبلي يالأصمعي=ودك بنقض حبالها والا تبينا نفتلي
العلم واسع مير بعض علومكم ما تنفعي=قرب لحبك قربه بطحنه وأنته تنخلي

بتال والله ما تحمل ربع دفه باصبعي=مادام معرف مذهبك هو شافعي هو حنبلي
ياليتني أعرف دواك بطب والا مطوعي=علتك علة ما عرفنا وش علاج المبتلي

محال تقربني وأنا قلبي محصن بأضلعي=خل المذاهب خلها وأنا على دين الولي
ما أنته برب الناس تعلم صحتي والا وجعي=أنا سليم المشكلة بالشيخ قام يولولي

أنا سمعت إنك تنقل من ربيع لمربعي=كل مانزل بتال في منزل رحل ماطولي
نشدت عنك وقالوا العربان راح ويرجعي=ودك تعلا بالشوامخ مار جيت محولي

علم سمعته شائعة ما للسوالف مرجعي=وش حدك تراقب عباد الله ماأنت مخولي
إن رحت والا جيت ماعندك حياه ومصرعي=وليا نويت ارقا المعالي بالوكاد الاولي

كشفت سرك لو مالي من وراكم مطمعي=مهما يطول الليل لابده بصبحٍ(ن)ينجلي
ماني بعارف وش سبب راع الذلول مقنعي=من خوف والا طبع لكن فوقنا ماتنطلي