لعيونها يحرم علي حنيةالراس = لا ابو محبه عزتي هي ثمنها
ماينحني راسي سوى الخالق الناس = اللي خلق روحي ويعلم زمنها
ياحانيآ راسك لجل زين الأجناس = الرجل له قيمه تنازلت عنها
الرجل دايم ميزته قوة الباس = لو عاندت دنياه شام ولعنها
وشلون يستسلم لجل لحظة احساس = يخضع براسه يطلب العفو منها
كرامته لجل ادعج العين تنداس = اخير موته لو بعقله وزنها
يامضحي بقيمتك ياطابخ الفاس = مهما تضحي سرع ما قفى ضعنها
لاتحسب انك نلت برضايها الكاس = تقصير يوم اتصير كنك كفنها
واتقول انا من عشرتك ذقت الأتعاس = وتطلبك من فضلك ولطفك رسنها

المشاركة الأصلية كتبت بواسطة همسات شاعرية (المشاركة 154477) كتبت فأبدعت وتألقت واتقنت . . صح لسانك على هالرائعه دمتم ودام عطائكم لكم مني كل التقدير