المهره اللي عينها تطرح صقور النايفات = غابت عن الاعيان والوجدان شب من الغياب
النار شبت في غصون الشجرة اللي يابسات = شرارة النار الوقيده بعد براق السحاب
من يوم ماراحت بروق الريم قلبي ما يبات = سهران ليله كن بين قلوبنا الفين باب
غابت عن الانظار والخفاق جافيه السبات = ما غمضت عينه مادام الظن والتفكير خاب
العين هلت مزنها فوق الجفون من الشتات = سالت سيول العين حتى الرأس فارقه الغراب
الفكر حاير حيرته بعاد عذبات الصفات = الجادل اللي من غلاه وحسنه الخفاق ذاب
مادامت الافراح للخفاق و زهور النبات = دام البدر خاسف ضياه وهاطل الامزان غاب
الوقت قاسي كم فرق بين ذات وبين ذات = ياكم قلب من القساوه فارق أحبابه وشاب
يالله يامعبود ثبتنا على درب الثبات = درب السعاده والهدايه والنجاه من العذاب
يوم الحشر نهار لا ينفع شباب ولا بنات = يوم النهار المنتظر يوم القيامه والحساب