لا تسالي كيف حالي وأنتي أعرف بالجـواب=حالي أقشر والليالي من بعدكِ(ي)موحشـه
ليلي أسود مثل ما قالوا كما ريشة غراب=الهموم الجايرة بالفؤاد معششـه
قلبي أنا يا غرامي من معاناتي مصاب=كل ليلة من نزيف الشوق دمي يفرشه
بعد رحتي من حياتي ضاع عقلي والصـواب=المشاعر في ثنايا الصمت بردى مخششه
حل في قلبي خراب وحل في شعري خراب=حبك بقلبي بغيبوبة ومنهو ينعشـه
ما بقا لي غير ذكرى حاطها وسط الكتـاب=وردةٍ(ن)حمرا عليها رسم قلب منقشـه
في متاهات الزمن صايرٍ(ن) طارد سـراب=لا تريح من عناه ولا قطع بعض عطشـه
أجمع أحلام الليالي من مجرات العذاب=ثم يطلع فجر صدك ما جمعته طششه
ما تهنيت بطعام ولا تهنيت بشراب=بيت روحي ياغرامي ذئب فرقاك نهشه
القصور اللي بنيناها هوت فوق التراب=يأس روحي كل ما فيها من الخير عرشه
كن في صدري خناجر غازة لين النصاب=هب ياسم الفراق أتعب لقلبي بغششه
ياخسارة من ترجى غيث من مقفي سحاب=الكبود اليابسة ما ترتوي من رشرشـه
ياقصيدي سج قافي بالقدوم وبالذهاب=اكحل بكحل المعاني كل عينٍ(ن)مرمشه
خلها تعرف بقدري بعد ما طال الغياب=ذا جوابي في سؤالك لا تقولي:طنشه
لا تسالي كيف حالي وأنتي أعرف بالجـواب=حالي أقشر والليالي من بعدكِ(ي)موحشـه

المشاركة الأصلية كتبت بواسطة نور الدنيا (المشاركة 162075) تسلم يمينك عالطرح الرائع ننتظر بكل الشوق لجــديدك المميز متألق دائمادمت بنقــاء :wwgwg2::wwgwg2::wwgwg2:

المشاركة الأصلية كتبت بواسطة مشاعر شاعرة (المشاركة 162082) يعطيك الف عافية قصيدة قمة بالروعة ربي يسعد قلبك

المشاركة الأصلية كتبت بواسطة دليل القوافــل (المشاركة 162083) صح لسانك يامبدع قصيدة رائعة لله درك تقبل التحية والاعجاب

المشاركة الأصلية كتبت بواسطة البدوي (المشاركة 162108) الله الله صح لسانك الى مالا نهاية ابداع شاعر

المشاركة الأصلية كتبت بواسطة ذيبان (المشاركة 162110) صح لسانك ما قصرت وافية من شاعر وافي

المشاركة الأصلية كتبت بواسطة فارس نجد (المشاركة 162115) قصيدة رائغة بروعة شاعريتك صح لسانك

المشاركة الأصلية كتبت بواسطة وافي الوافي (المشاركة 162119) رائع صح لسانك بانتظار جديدك