موتري لن توجه وجهة الشرق فز=فزة لحر جائع هده مدربه
يرمي الأرض خلفه كن يطرده غز=مبعد الدار لو هو كايد يقربه
كن لاحقه دوريات خلفه تكز=متهم بالهروب وكني مهربه
يفرز الجو لا من شد بالمشي فرز=مارد الجن لو يطره ما يكربه
كنه البونق فوق الجو سرعة وهز=فيه لهفة مسافر راجعٍ(ن)لعربه
وده بقرب من خده به الدم نز=من بعد طول وقتٍ(ن)حده وغربه
صاحبٍ(ن)جز بيت الروح والقلب جز=حلو حبه لقلب المهتوي شربه
من سنين طويله ينكز الفكر نكز=بالغلا والوفا والطيب قد جربه
يغلي القلب كنه مي من نار قز=فيه كل الهوى عن أخره صريه
ما بقا للعذارى فيه ميدان لز=فيه حلو المزايا خافقه يطربه
هكذا حالي وحالك ياموتر ياعز=حال من مشرقه ناد عن مغربه
موتري لن توجه وجهة الشرق فز=فزة لحر جائع هده مدربه

المشاركة الأصلية كتبت بواسطة ابن عميش (المشاركة 163438) صح لسانك يابو عبدالله على هذا الابداع الراقي والمميز والله يعطيك خير موترك ويوصلك لمحبوبك بالسلامه لك التحيه والتقدير

المشاركة الأصلية كتبت بواسطة سعد حميد الثبيتي (المشاركة 163436) رائعه من شاعر متمكن لله دره تقديري واعجابي للقصيده وشاعرها

المشاركة الأصلية كتبت بواسطة نجم العرب (المشاركة 163455) صح لسانك مدد ماهو عدد ابدعت لا هنت تقبل خالص التحية

المشاركة الأصلية كتبت بواسطة الحر الأشقر (المشاركة 163460) الله الله ابداع صح لسانك

المشاركة الأصلية كتبت بواسطة طارق العبيدي (المشاركة 163465) صح لسانك يا ابن هليل ابداع معهود وليس بغريب على مثلك ودي وتقديري