يا مشاعر للهوى ماهي جديده=ساكنة بالقلب من دون العرب
المحبة بيننا عذبة فريده=إستقاها القلب من نبعٍ(ن)عذب
كل نبضة قلب فيني لك قصيده=وكل همسه منك معزوفة طرب
لا تلاقت بالحشا ضعف شديده=شب نار وصارت ضلوعي حطب
يذوب منها القلب لوهو من حديده=والنفس يغدي مثل ساعر لهب
يحترق دمي جديده مع تليده=والمواجع تتلف عظام وعصب
لين ينشف دم قلبي في وريده=والجسد ينهد من كثر التعب
يا قصيدة عشق في قلبي عنيده=ما تجي بالكيف في وقت الطلب
ساكنة بالروح من هجرة مديده=صايرٍ(ن)مابيني وبينك نسب
مالحق عمري بقربك مايريده=مر بأسبابٍ(ن)ومر بلا سبب
تقربين شوي وتظلي بعيده=لين ضاع الصدق في بطن الكذب
حايله ما بيننا ظروفٍ(ن)عديده=مثل ما قال المثل:حامض عنب
الليال تكيد وحظوظٍ(ن)مكيده=لين قلبي من عنا الشوق انعطب
هب يا دنيا تعاندنا نكيده=ما تلين بطيب والا بالغصب
الحلوم تموت في مهدك شهيده=ما أفتكر حلمٍ(ن)من أنهارك شرب
يا مشاعر للهوى ماهي جديده=ساكنة بالقلب من دون العرب

المشاركة الأصلية كتبت بواسطة المستشــار (المشاركة 164205) صحيت وصح لسانك كعادتك مميز فيما تدون

المشاركة الأصلية كتبت بواسطة سكون الليل (المشاركة 164208) يعطيك الف عافية ربي يسعدك رووووعة

المشاركة الأصلية كتبت بواسطة ملكة الذوق (المشاركة 164209) صح لسانك شاعرنا الرائع قصيدة جميلة بجمال ذوقك وشاعريتك ربي يسدك

المشاركة الأصلية كتبت بواسطة عبير الشوق (المشاركة 164213) حايله ما بيننا ظروفٍ(ن)عديـده مثل ما قال المثل:حامض عنـب الليال تكيـد وحظوظٍ(ن)مكيـده لين قلبي من عنا الشوق انعطب ما اصعب أن تحترق أحلامنا وتتبخر لكنها ربما حين تحترق تمنحنا بعض الضوء.. أستاذي بن هليل : بهذا النبض يبقى الشعر في ألقه طبت وطاب بك الشِعر لك التقدير

المشاركة الأصلية كتبت بواسطة عبدالرحمن عويض المسعودي (المشاركة 164223) صح لساانك يابن هليل ويعطيك العافيه تحياااااااااااااااتي

المشاركة الأصلية كتبت بواسطة نجم العرب (المشاركة 164227) صح لسانك واعتلا شانك ابدعت وامتعت لا هنت تقبل التحية