صاحبي كان لا من مر رد التحيه=والعشية بعد مريت عني تغطا
غيروه العواذل لا يسلم عليه=ناس حتى السلام بدينهم صار غلطا
وإن نشدته علامك قال ماشي بيه=خائفٍ(ن)لا يكون بديننا شي شطا
قلت:مما تخاف وقال:رفعت يديه=المطوع يقول محرمة وأمر فُرطا
قلت:حسبي على اللي سودوا حُسن نيه=النبي سلم وبايع صغيره وشمطا
التزمت تراه العن من الجاهليه=أمة محمد المختار بالدين وسطا
حكم العقل والنية تراها مطيه=لا يجننك مخطي منهج الدين وأخطا
التحية وجوب تردها والخطيه=تستمع في فتاوي خابط الدين خبطا
لا تفكر بناسٍ(ن)شفهم بالأذيه=عالمٍ(ن)تبتدع بالدين تخلطه خلطا
ناس من جهلهم ساووا لحسنه بسيه=كل ماهو مباح يحرمونه بشرطا
كم بأسبابهم من شخص روح ضحيه=وكم واحد تبعهم وقت واليوم وطا
يا صحيبي سلامي ماخلط بالرديه=جئت قصدي سلام وخوف من غاب وأبطا
صاحبي كان لا من مر رد التحيه=والعشية بعد مريت عني تغطا

المشاركة الأصلية كتبت بواسطة صادق الوعد (المشاركة 165609) صح لسانك واعتلا شانك قصيدة معبرة بيض الله وجهك

المشاركة الأصلية كتبت بواسطة مخاوي الذياب (المشاركة 165611) صح لسانك ابداع معهود ومشهود

المشاركة الأصلية كتبت بواسطة صبي قحطان (المشاركة 165615) ابيض وجه وصح لسانك قصيدة راقية

المشاركة الأصلية كتبت بواسطة عبير الشوق (المشاركة 165616) أستاذي بن هليل : صح لسانك ولاهنت على القصيده الهادفة اسجل اعجابي

المشاركة الأصلية كتبت بواسطة أبو الطيب (المشاركة 165622) صح لسااااااااااااانك اي والله خربت نيات البشر الله المستعان

المشاركة الأصلية كتبت بواسطة نجم العرب (المشاركة 165623) صح لسانك مدد ماهو عدد اي والله صدقت كان الضيف اذا جاء يرحبون به واليوم اذا جاء قالوا وش يبي