يابنت انا ماني علي ماتظنين = ظرفي جبرني لا تظنين فيه
انا من اللي يعدلون الموازين = لا كبرت القاله يردون ليه
النت بلوي والمهبل كثيرين = ماعندي استعداد يغّلط عليه
كلن وري الشاشه يضد المعادين = ابطال كلمتهم كبيره قويه
وعند اللقا وامشاهد العين للعين = في سد وجهي كلبوهم ضحيه
مالتس عليه حلف ياباشة الزين = امحي من الاشكال ميه وميه
لاياخذتس رسمي ونكّي علي الشين = انا من اللي يشترون المنيه
ربعي هل الردات حامين الاقصين = وخوالي العتبان نارن لظيه
واللي جنابه صار مابين الاثنين = في سد وجهي مايجيب الرديه
بالله في بعض الحكي لا تحنين = تري الهويه غير ذيك الهويه
يكفي عطيتس بعض رؤؤس العناوين = واللي نظره ابعيد يعرف خويه
صدقتلس من قلب ثابت علي الدين = تمعني فاللي تخطه يديه
الكذب بين مايباله براهين = والصدق تكفيه الحروف النديه