نظمت لك من نبض قلبي قصايد=من شأن ترضي بين ربعك غرورك
وإلا أنا ماني محصل فوايد=أقلع عن أغصاني مهاجر طيورك
أدري وتدري طير ماهو بعايد=عانق سماه ولا تهمه عطورك
وأدري وتدري بالزمن والبعايد=دربٍ(ن)طويل ولا يضره مرورك
وأدري وتدري بالعرب والعوايد=أخشى عليك بيوم تجر شعورك
ياللي رميت الدل فوقي قلايد=ترسل مراسيلك ومانع حضورك
أحرمت راسي يهتني بالوسايد=وأحرمت عيني تشوف وضاح نورك
درب الهوى ياهيه بلحيل كايد=ماهو بلعبة تلعبه في عبورك
لا تلعبه ما أنته بحمل الشدايد=خله لناسه لا تعكر سرورك
لا تفتح أبوابٍ(ن)وراها وقايد=نار الغرام اللي تدمر عصورك
يكفيك بنظم فيك حلو القصايد=من شأن ترضي بين ربعك غرورك